Assit unammisitsinermi nassiunneqartut kanngunartunik, ajuallannartunik, nikanarsaanernik, ileqqorissaarnissamik nakkarsaateqartunik, persuttaanermut tunng, ataqqinninniaanernik, atoqatigiinnermut tunngassusilinnik, uumisaarinernik, ukiukitsunut inerteqqutitalinnik imaqartunik, ammip qalipaataanik immikkoorsitsinertalinnik, uumissuinernik, allamiunik akeraqarnernik, imaluunniit narrujuuummernartunik imaqassanngillat.
Assinik unammisitsinermi peqataanikkut assiliisoq assimik nassiussaminik piginnittussaatitaavoq. Assiliisut projektimik suliaqartunut suleqataanullu assinik piginnittussaanermik, allaniillu avataaneersut assinut tunng. piginnittuussaanermiit piumasaqarsinnaaneranniit killeqartitsissaaq.
Assinik unammisitsinermi, assip nassuiaataa ilanngullugu, peqataaninni assiutivit nassuiaataatalu assinik nunap ilusaanik albumimut (kalaallisut, qallunaatut tuluttullu) ilanngunneqarnissaa akuerissavat. Assimi atit nassuiaatillu ilanngunneqarlutik taaneqassapput, kinaassutsinnik isertuussissanngikkuit.
Uumap assinik unammisitsinerup ilisimatusarnikkut projektip ilagaa. Tassuuna inuit kangerlunnut isiginneriaasiat misissorneqarluni. Assiliisut ilisimatusartunut ukuusunut: Laine Chanteloup, Thora Herrmann, Fabienne Joliet assiutitik tuniutissavaat aammalu assit nassuiaataanik tunissallugit. Taakkua assit iluanaarutaasussaangitsumik ilisimatusartut assit atussavaat (ilisimatuussutsikkut avammut saqqummiinerit, ilisimatuussutsikkut ataasimiisitsinerni, ilisimatuussutsikkut seminareqartitsinerni, festivaleqartitsinerni). Assiliisut ilanngunneqarlutik taaneqassapput, kinaassutsinnik isertuussinianngikkunik.
Projektimut tunngatillugu apeqqutissaqaruit uunga saaffiginnigit: laine.chanteloup@unil.ch
Nammineerluni kajumissutsimik peqataanerup akuerseqatigiilluni isumaqatigiissutip atorunnaarsinneqarsinna-anera:
Uani projektimi peqataanerit nammineerlutit kajumissutsinnik peqataaneruvoq. Qaqugukkulluunniit projektimi peqataanerit tunuartissinnaavat, taamaallaat oqaatsitigut nalunaarutigiinnassavat, nassuiaasariaqanngilatit tunuarnerit sumik patsiseqarnersoq. Tunuarnerit ilinnut sunniuteqarnavianngilaq. Assiutivit unamminermiit assinik albumimiillu peerneqarnissaa kissaatigisinnaavat. Assit tamarmik atit ilanngullugit taamatut kissaatigisaqartunniit peerneqassapput, assinik albumip naqinneqannginnerani.
Akuerseqatigiilluni paasissutissaativit atorneqarsinnaanera qaqugukkulluuniit tunuartissinnaavat. Akuersissut tunuartinneqanngippat isumaqatigiissut qaqugorsuarmut atuutissaaq.